التعليم

سلطان الفيصل ال سعود شاعر برتبة عميد ..جريدة الاتحاد الدوليه

كتب ..رفعت العمده

العميد الركن سلطان الفيصل ال سعود ..شاعر برتبة عميد  .. هو شاعر مبدع متميز . كلماته ودوواينه تدخل القلوب بدون استئذان …صاحبة اطلاله تمنح للحالمين متعة التذكر والتخيل والاسترجاع، والمناجاة والخلوة مع النفس، والشعور برغبة اللجوء إلى الطبيعة، بعيدا عن ضجيج الحياة.. . واليكم بعض من كتاباته ..

شعري مثل يافاهمين التماثيل
كلن يجي شعره بحسب اقتداره

واللي عاش في السنين المقابيل
يضوق من عقب البروده حراره

الطيب يخلق مع قلوب الرجاجيل
ماهوب ف بنك التجاره تجاره

والرزق من عند الولي بالتساهيل
مهوب القوه ولا بالشطاره

من عاش في حيله وكذب وتهاويل
يسرع من عقب الطلوع انحداره

الشور ماينفع قلوب المهابيل
ك الزند وان حرك تطاير شراره

لو تامره بالعدل ويعرض عن الميل
يقتل على رايه بربح وخساره

الطبع ماينزال غيره بتبديل
مثل الجدي مرساه ليله نهاره

الحنظله لو هي على شاطي النيل
زادت مرارتها القديمه مراره

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

جا يودعني يحسبنى قـد الـوداع
هو بقى بي حيل حتى اجمعـه

شب في روحي جنون وإندفاع
ومدت عروقي يديهـا تمنعـه

قال :احبك ، وابتدا الغيم اجتماع
قلت:احبك ، والمطر في اضلعه

ترشف عيونه دموعي بالتيـاع
وتعطش عيوني وتشرب ادمعه

يوم قفا وانطفى ذاك الشعـاع
طار قلبي من ضلوعي يتبعـه

قلبي اللي كلما يلقـاه ضـاع
كلما يغفـي بحضنـه روّعـه

وين أوجّه ؟ كل وجهاتي ضياع
كل احاسيسي توجّهنـي معـه

____________________________________________________

وشلون ماأحبك ولا عدت مغليك
…………… وانت الدوا لـ انسان دونك يعاني

وشلون رحت وكل صوتي يناديك
…………… ياهيييه اسمعني ترى العمر فاني

ماقلت لك من قبل ماني مخليك
…………… ياكيف تنساني ـــ وقلبك نساني ؟

كتبت لك في صدر الايام … ابغيك
…………… وكتبت لي :.. خلاص غيرك خذاني

حتى جدار الصمت لو التفت فيك
…………… بكيت من صمته .. وضيق الثواني

عشقت كل لحظات عمرك وماضيك
…………… ومعك : عرفت ان الأماني .. أماني

وسويت لك في داخلي شي يرضيك
…………… وان كان مايرضيك ؟؟ … سويت ثاني

نزعت فرحت خاطري .. ليت تكفيك ؟
…………… وزرعتها في داخلك ………. ماكفاني

ضحكت لك وآنا من الحزن أسليك
…………… وحبست دمعي لجل أقدم حناني

وصديت وقت الضيق .. مابيك مابيك
…………… تشوفني أضحك .. وأنا اللي أعاني

ياهالزمن تكفى ـــ طلبتك ـــ وأرجيك
…………… لاتبخل بـــ وصل الحبيب الـ أناني

قد قلت له : مقدر أفارق وأحاتيك
…………… وقد قلت له :هالبعد ياما كواني

لكن حسافه كل صوتــن يطريك
…………… ياما معا نفسي ذكرتك …. أغاني

بـ ايديك كل اللي حصل اييه بـ ايديك
…………… بديت احسك شي … خااارج زماني

ودامك زرعت انسان غيري بـ أراضيك
…………… فـ أنا ماحب يكون غيري ….. مكاني

بـ تغيب ؟ غيب ولكن اسمع محاكيك
…………… قبل السفن تنوي بــــــ هجر المواني

في خاطري كلمة < ويمكن > تبكيك
…………… ابيك تسمعها / دقايق عشاني

لو الزمن يعطيك ـــ ماهوب معطيك…………… شخص يحطك بين عوج المحاني

مقالات ذات صلة

زر الذهاب إلى الأعلى