الفن

رامى رضوان ينفى ما تردد عن وفاة الفنانة دلال عبد العزيز

كتب : محمد كمال 

نفى المذيع رامى رضوان زوج الفنانة دنيا سمير غانم على صفحتة الرسمية على الفيس بوك وفاة الفناة القديرة دلال عبد العزيز ورد قائلا : 

الواحد مابيتمناش غير كل الخير للناس.
بس فاض الكيل
يا رب كل واحد نشر الإشاعة الملعونة دي يشوفها في حبايبه 😘
وللسادة رؤساء التحرير..نقوا صحفيينكوا
ايه القرف ده

فيما نفى ايضا الفنان حسن الرداد زوج الفنانة ايمى سمير غانم وفاة الفنانة دلال عبد العزيز قائلا : 

بالنسبة للمواقع الصفراء الرخيصة اللى كتبت اخبار غير صحيحة عن حماتى دلال عبد العزيز، يا ريت تحترموا نفسكم شوية. اللى بينزل اخبار غير صحيحة تخص حياة انسان عشان يعمل ترند على موقع يبقى واحد مش محترم ولا يحترم المهنة بتاعته اللي الف باء فيها وجوب تحرى الدقة.
احنا بقالنا شهور فى المستشفى و كلنا متواجدين مع حماتى و قاعدين قدامها ٢٤ ساعة رامى و إيمى و دنيا و انا و فجاة يجيلنا سيل مكالمات ورسائل من كل اهلنا و حبايبنا بيطمنوا.
حقيقي عايز اسال اللى كتب الخبر لو حد فينا كان بعيد و سمع الخبر ده حضرتك متخيل كان ممكن يحس بإيه او ممكن يحصل له ايه على ما يتاكد ان الخبر مش مظبوط؟
مش هقولك يا ريت يحصل فيك نفس الموقف عشان تعرف المصيبة اللى انت عملتها بس حقول لك حسبى الله و نعم الوكيل.

مقالات ذات صلة

زر الذهاب إلى الأعلى