مجلة الأدب

روحي اسأليهم

(( روحي اسأليهم))

الشاعر / محمد سليمان ابوسند..يكتب

 

أحلام كتير متسرسبه
من بين جفون الليل
جافاها النوم
مش مترتبه وعيون تغوص
في بحر الألم
تقولشي كانت ناويه
تقول كلام
مكسوفه هي ولا ايه
كنتي الأمان
وف لحظه خنتي عهدنا
قوليلي ليه كل دا
وماتخجليش
انا كنت ليكي وكنتي ليا
ليه تجرحيني ف كل مره
وكلام كتير تاه مننا
مع عمرنا في وسط حزمه
ذكرياته مؤلمه
ضاع حبنا
كانوا متغلغين
متقيدين
متسلسلين
بأنين وذكري فات عليها من سنين ماتعديهمشي
روحي اسأليهم
كان ذنبي ايه.
حبيتك انتي
والرفض كان من عندهم
تقولشي كان مكتوب علينا
نفترق
من قبل يوم مانتولد
الكلام تاه م الشفايف
انا كنت ناوي بس خايف
لتجرحيني
من رد فعلك انطقى سكتي ليه مكسوفه تاني ولا ايه

بقلم / محمد سليمان ابوسند 🇪🇬

مقالات ذات صلة

زر الذهاب إلى الأعلى