مجلة الأدب

تجار مستفزه 22

تجار مستفزه تبع الحاجه وتكسب بدل الطاق عشره وبتخلص ع اللي ف جيوبنا
ومش عارفين نعيش حياتنا والظلم بالجمله ومش قادرين ناخد نفسنا
كل يوم مشكله وكارثه والغلو هايجننا وبسببهم أصبحت السكه مش سالكه والدمع ملي وجوهنا
مش عارفين نعلم ونربي ولادنا ونار واقفه ف طريقنا بتهدد حياتنا
مش عارفين نعدي ولا نحس بوجودنا ولا نفرح بسبب الطمع والجشع اللي شاغلهم ودا سر عذابنا
هانجيب منين ياقلبي عشان نحس بالسعادة ونعيش زي غيرنا
وأصبحنا ف أزمه والحياة أصبحت ممله وماحدش راضي يرحمنا
العيب فينا ياخوانا مش ف الدوله الكل عايز يكبر ع حساب اي شخص المهم ينفعنا
وكانوا الدافع لهدم اسره كامله وانفصالنا واللي فاتح مشروع عايز يكسرنا
ويستولي ع كل حاجه تخصنا وتلزمنا ومافيش وقت حتى نبرر ضعفنا وسكتنا
وأصبحنا ف صراع حتى داخل البيت لا زوجه بنحس ولا ولاد بتنفعنا
نحب المظاهر لكن الأسعار غاليه مش فاضل غير إننا نسرق ونبيع ضمايرنا
او نقتل عشان نعرف نعيش حياتنا طلما الظلم من التجار بالجمله ومش عارفين نمارس نشاطنا
وكل يوم العصر بيتقدم وكله ع حساب صحتنا والفكر اختل بالنسبالنا
وأصبحنا وحووش مش بشر بتراعي الانسانيه وبتخالف الشريعه الاسلاميه اللي بتحكمنا
لكن مهما صرحنا وقولنا واشتكينا هانفضل كده القرش الهدف الوحيد اللي بيخدمنا
ع حساب مين مش موضوعنا اهم شئ نعلى ونبني بيوت ويكون لينا أملاك تنفعنا بعد وفاتنا
يارب تهدينا وتهون علينا جراحنا وتسعدنا ف الدنيا والآخرة وافتحلنا باب يناسبنا
وبارك ف أرزقنا واهدينا واسعد أيامنا ونور بالايمان قلوبنا
شاعر العصر صاحب كلمه لها مضمون ومعنى يفيدنا وينفعنا بقصيده جميله تنال اعجابنا
وتحسن دايما من أخلاقنا وتذكرنا باللي خلقنا وداوي همومنا وأوجعنا ويرسم الفرحه داخل قلوبنا

مع فارس الكلمه/ الشاعر طاهر مختار عتيت

شاعر العصر/ الاحساس و بس…….تحيا مصر
طنطا……. كفر الزيات…….اكوه الحصه

مقالات ذات صلة

زر الذهاب إلى الأعلى