مجلة الأدب

جهز شنطتك

بقلم /. محمد سليمان ابوسند

لملم هدومك واجمد ياولا٠٠٠ وامسح دمعتك ٠٠ الحزن مش ليك ٠٠٠ دي ياما قلوب عصرها الألم ٠٠٠ خرج معاها احلى مافيك ٠٠٠ وامشي ف طريقك للآخر ٠٠٠
دي كل لحظه ضيق او بكا ربك عليم بيها ٠٠ هاتقول لمين ٠٠ اشكيلوا هوا بلوتك ٠٠٠ وجهز شنطتك ٠٠٠ دا احنا يادوب لسه بنكتب اول سطور من قصتك
٠٠٠ والقطر جاي لمحطتك ٠٠٠ ف ميعادوا جاي ٠٠ بين الطريق والطريق فيه الف الف طريق ٠٠ وبين الصخور والصخور تنبت زهور الوان ٠٠ بس انت ذاكر واحفظ كمان ٠٠٠
وشوش ف عتمة ليل ٠٠٠ والضحك كان عالي ٠٠٠ وبعد مامشيت كانوا بياكلو فروتك ٠٠ والدمع خد مجاريه بين الخدود نازل ٠٠٠ لاقدرت تحكي ولا كان الزمن يسمح ٠٠٠
لملم هدومك واجمد ياولا ٠٠٠ دا لسه في الجراب حكايات ٠٠٠٠ اكتب بايدك قصتك وامشيها للآخر ٠٠
(محمد سليمان ابوسند) مصر اغسطس2021. 🇪🇬

مقالات ذات صلة

زر الذهاب إلى الأعلى