مجلة الأدب

الناس

علاء جوبا

وفي ناس وناس
ناس خدها يتباس
وناس عاوزة تداس
ناس تتحب من الأساس
وناس عاوزة تاخذ بالمداس
ناس في عيشتها إرتاحت
وعلي كل لون مالت
وناس من عيشتها تعبانة
عايشة زعلانة
ومن يومها قرفانا
وفي ناس وناس
ناس باعت الإحساس
وعبت من دهب أكياس
وعملت الشيطان صاحب
وهي ملهاش صاحب
وناس الفقر ليها مصاحب
وملهاش مالك
عايشة علي الهامش
مكتوب عليها العيا
من دون ماتلاقي دوا
وناس عايشة بالكرامة
وناس تايهة وحيرانة
وناس قاسية وغدارة
وناس قادرة
وناس فاجرة
ناس وناس
والناس أجناس
منهم إلي من الخير معمول
ومنهم إلي من الشر معجون
منهم الخسيس
ومنهم الحسيس
في ناس وفي الناس
وبردو الناس أجناس

مقالات ذات صلة

زر الذهاب إلى الأعلى